Ssaabasajja Kabaka (wakati) ne Katikkiro Charles Peter Mayiga (ku kkono) ku kisaawe ky’ennyonyi e Entebbe
Ssaabasajja Kabaka asitudde okugenda ebweru w’eggwanga okusisinkana abasawo be, okwongera okumwekebejja okulaba engeri gy’ajjanjabibwaamu abasawo be abaakuno.
Katikkiro Charles Peter Mayiga ategeezezza nti Nnyinimu agenze atereera, nga ye kennyini Omuteregga bwe yazze ategeeza Obuganda mu bubaka bwe obw’enjawulo.
Katikkiro asabye abantu ba Kabaka okumanya nti Obwakabaka busoosowaza nnyo obulamu bwa Maasomoogi, kubanga kye Katikkiro ky'Obwakabaka.
Kamalabyonna wa Buganda awerekedde Omutanda ku kisaawe ky’ennyonyi e Entebbe, awamu n’Abakungu abalala.
