Abazannyi ba Ngabi Nsamba bajaguza obuwanguzi bwabwe mu mpaka z’omupiira ez’Ebika za Buganda 2025
Ngabi Nsamba yeyawangudde engule ya mizannyo gy’Ebika 2025 mu mupiira ogw’ebigere, nga bakubye Ndiga mu peneti ezamalidde ku ggoolo 7-6.
Bano beeddizza engabo gye baawangula n’omwaka oguwedde.
Katikkiro wa Buganda, Charles Peter Mayiga, akulisizza abakojjaabe b’ekika kya Ngabi Nsamba olw'okuwangula Engabo, era n’asiima Ebika byonna ebyetabye mu mizannyo gy’omwaka guno.
Yagambye nti Ebika bikulu nnyo mu Buganda kubanga binyweza obumu n’obwaami, ate nga bimu ku masiga asatu Buganda kwetudde.
Katikkiro Charles Peter Mayiga nga ayimiridde ne ttiimu ya Ngabi Nsamba nga bajaguza obuwanguzi bwabwe mu mizannyo gy’Ebika 2025
Katikkiro era yebazizza abategesi, abazannyi, abatendesi, n’abavujjirizi abakozeeko ennyo okulaba ng’emizannyo guno guggwa bulungi. Yatenderezza omutindo ogw’amaanyi ogw’oleseeddwa mu mpaka zino.