Owek. Katikkiro nga ayanirizibwa abayizi e Wakiso
Owek. Katikkiro akedde ku Exodus College School e Wakiso mu Busiro, ewategekeddwa omusomo ku butondebwensi eri abavubuka.
Katikkiro ayaniriziddwa Minisita w'Obutondebwensi mu Buganda, Owek. Mariam Mayanja Nkalubo, Minisita Robert Serwanga, Ssebwana Charles Kiberu Kisiriiza, Omulongo Wasswa William – ono ye mutandisi w'essomero lino – wamu n'Abaami ba Kabaka abalala.
Omusomo ku butondebwensi mu bavubuka gutandikidde mu bayizi b’amasomero, era amasomero ag’enjawulo gaku??anidde ku Exodus College okulaba nti abaana abavubuka babangulwa ku bukulu bw’okukuuma obutondebwensi.
Omusomo guno guli mu nteekateeka ya Ssabiiti ya Butondebwensi mu Buganda.
Wano Katikkiro nga atongoza Ssabiiti ya Butondebwensi mu Buganda
Olukiiko luno Katikkiro alutongozza e Banda, Wakiso mu Busiro, ku Exodus College School, ewabadde omusomo gw'abavubuka ku butondebwensi wakati mu nteekateeka ya Ssabiiti ya Butondebwensi mu Buganda.
Katikkiro ategeezezza nti okusobola okutaasa ebiseera Eggwanga eby’omu maaso naddala ku nsonga y’obutondebwensi, abavubuka basaana okuyigirizibwa kino nga bakyali bato, bamanye obukulu bw’okukuuma obutondebwensi.
Omulamwa gwa Ssabiiti ya Butondebwensi gugamba nti: "Ku lwa Buganda ennyonjo, tukomye obulabe bwa pulasitiika n'akaveera eri obutonde."