Abakulu okuva mu Minisitule y’ebyokwerinda n’ey’amazzi n’obutondebwensi bakyaddeko e Bulange

Abakulu okuva mu Minisitule y’ebyokwerinda n’ey’amazzi n’obutondebwensi bakyaddeko e Bulange okwanjulira Obwakabaka enkola gyebalina ey’okukuuma obutondebwensi, n’okutandikawo enkola ey’awamu egenda okugobererwa.

Bano bakulembeddwamu Brig. Gen. David Gonyi, akulira emirimu mu Ggye ly’Omubbanga, awamu n’abalala.

Brig. Gonyi yagambye nti embeera y’obudde etawanya buli muntu awatali kusosola, era ky’amaanyi okukwatagana n’Obwakabaka okulaba engeri y’okutaasa obutondebwensi.

Yategeezezza nti Uganda erina eby’obugagga obw’ensibo bingi, era n’embeera y’obudde nnungi nnyo, naye abataataaganya obutondebwensi be basinze okuviirako okwononeka kw’embeera y’obudde mu bbanga lya kati.

Katikkiro yagambye nti kirungi nnyo UPDF okuvaayo ku by’okukuuma obutondebwensi, basale amagezi ku kukuuma entobazi, emigga, ebibira, n’ebisolo, era tufune enkola ey’awamu ng’eggwanga.

Katikkiro yannyonnyodde nti bwe tutakuuma butondebwensi, embeera y’obudde ekyuka, abantu ne babulwa mmere, amazzi, enkuba n’ebyawandiikiddwa, ekiviirako obusambattuko.

Kamalabyonna yategeezezza nti Obwakabaka bwetegefu okukolagana ne UPDF mu kusimba emiti, bulungibwansi, n’okugoba abeesenza mu ntobazi, nga kigendererwa kwongera ku kukuuma eby’obugagga Katonda bye yatuwa.